Miðvikudaginn 2. september kl. 12.00 hefjast bænastundir að nýju í Dalvíkurkirkju. Samkvæmt venju er stundin leidd af prestum og Þórður organisti gleður okkur með ljúfum tónum. Oft á tíðum koma góðir gestir, annað hvort með erindi eða tónlistarflutning. Að stund lokinni er samfélag í Safnaðarheimilinu þar sem við nærum líkamann. Verið öll hjartanlega velkomin.

Það er þessi árstími - það er komið að útimessunni árlegu í Hánefsstaðareitnum. Sunnudaginn 23. ágúst kl. 13.30 verður sannkölluð sumarstemning þegar við sameinumst í helgihaldi í Hánefsstaðareitnum. Kórinn syngur sumarlega söngva undir stjórn Þórðar organista og sr. Erla Björk leiðir guðsþjónustuna. Ekki er ólíklegt að kleinur og kaffi rati í lundinn líka, svo þar verður allt saman komið sem prýða má góða samveru. Hittumst heil og glöð !