Okkur vantar frábæran kórstjóra og organista!

Laust staða organista í Dalvíkurprestakalli.

3 sóknir innan Dalvíkurprestakalls; Dalvíkursókn, Stærri-Árskógssókn og Hríseyjarsókn, óska eftir að ráða organista til starfa frá og með 1. september næstkomandi. Um er að ræða 65-70% stöðu.

Auk orgelleiks við helgihald, annast viðkomandi kórstjórn í áðurtöldum sóknum. Tekið skal fram að kórar starfa saman. Farið er fram á að umsækjandi hafi lokið prófi í kirkjutónlist frá Tónskóla Þjóðkirkjunnar, eða sambærilegri stofnun og hafi reynslu í orgelleik og þá ekki síður í kórstjórn.

Leitað er eftir einstaklingi sem er hvetjandi og frjór kórstjóri, býr yfir hæfni í mannlegum samskiptum og sveigjanleika í starfi. Viðkomandi mun starfa náið með kórstjórn, sóknarnefndum og prestum Dalvíkurprestakalls.

Starfskjör, réttindi og skyldur eru samkvæmt kjarasamningi Launanefndar Þjóðkirkjunnar og FÍO / organistadeildar FÍH. Umsóknum, ásamt afritum af prófskírteinum og ferilskrá, skal skila eigi síðar en 14. júní. Samþykki fyrir öflun upplýsinga þarf einnig að fylgja umsókninni, tengil á eyðublaðið má finna hér. https://kirkjan.is/library/Images/Frettamyndir/Skjol-vegna-fretta/samthykki-fyrir-oflun-upplysinga-ur-sakaskra.pdf

Að öðru leyti er vísað til starfsreglna um organista nr 823/1999

Umsóknir skal vinsamlegast senda á oddur.bjarni.thorkelsson@kirkjan.is

Frekari upplýsingar veitir Oddur Bjarni Þorkelsson í síma 895-6728, einnig má senda fyrirspurn á ofangreint póstfang.

Sóknarnefndir Dalvíkursóknar, Stærri-Árskógssóknar og Hríseyjarsóknar.